నేనొక కలగన్నాను...

కలగా నువ్వు నా కలలోకి రాగా 

నా నిద్ర నీలాకాశంలో కలై ఎగసింది  

అసంపూర్తి కలల్ని వదిలే యత్నంలో

నేనూ ఎగిరెగి పడి లేస్తున్నాను 

రంగుల రెక్కలు కట్టుకుని

ఆశగా ఆకాశంలో ఎగురుతుంటే

అనుకోకుండా నేలపై జారి పడ్డాను

కళ్ళు తెరచి చూస్తే చెదరిన నిద్ర

కల నుండి జారిపడింది నా నీడ!

కలత

కలల కెరటాలు పొంగుతున్నవి
కలతలు కనులలో రేగుతున్నవి 
ఆశలు ఏవో ఎగసిపడుతున్నవి 
మనసులో భయం రేగుతున్నది
నీలి నీడలు భయపెడుతున్నవి  
ఊసులెన్నో మౌనం దాల్చినవి 
కీచురాళ్ళ శబ్ధం భయపెడుతున్నది
కానరాని చీకటి నాలో కమ్ముకున్నది..

సంబంధం

నేను వేదనలో ఉన్నానని
భారం మోయలేని నా గుండె 
బాధతో ముక్కలయ్యింది..
నాలో ప్రేమ ఉంది కనుక 
కనులు అశృవులతో తడిసినాయి
బాధకు ప్రేమకు అవినాభావ సంబంధం 
కనుకనే ప్రేమ వేదన పెనవేసుకున్నాయి